«Ժողովուրդ». ԿԱՌԱՎԱՐՈՒԹՅՈՒՆԸ ՇԱՏ ԱԿՏԻՎ ՊԱՏՐԱՍՏՎՈՒՄ Է ԽՈՐՀՐԴԱՐԱՆՈՒՄ ՆԵՐԿԱՅԱՑՎԵԼԻՔ ԾՐԱԳՐԻՆ
«Ժողովուրդ» թերթի՝ կառավարությանը մոտ կանգնած աղբյուրները փոխանցում են, որ այս օրերին կառավարությունը շատ ակտիվ պատրաստվում է խորհրդարանում ներկայացվելիք իրենց ծրագրին:
Ըստ թերթի տեղեկությունների՝ իշխանությունը արդեն հստակ գիտի, որ խորհրդարանում թեժ օրեր են սպասվում նաև այդ օրերին, ու իշխանության թևին պատրաստում են հակագրոհի:
Հնարավոր է՝ ՀՀ վարչապետ Նիկոլ Փաշինյանը ընդդիմության հարցերին անգամ չպատասխանի, ու ամեն գերատեսչություն իրեն առնչվող հարցերին պատասխանի, կամ գլխավոր դերում լինի ՀՀ փոխվարչապետ Սուրեն Պապիկյանը:
Թերթի աղբյուրները նշում են, որ այսօրինակ հարցերն այժմ թեժ քննարկվում են իշխանության ներսում, ու ամեն բան կախված է ընդդիմության առաջիկա պահվածքից:
Ի դեպ, ԱԺ 8-րդ գումարման աշնանային նստաշրջանը կմեկնարկի սեպտեմբերի 13-ին, իսկ հանձնաժողովները կսկսեն իրենց աշխատանքը սեպտեմբերի 6-ից։