ՀՀ ԿԸՀ-ն տեղական ինքնակառավարման մարմինների ընտրությունների ևս մի օր նշանակեց

Հայաստանի կենտրոնական ընտրական հանձնաժողովն օգոստոսի 26-ի նիստին որոշում կայացրեց փոխել տեղական ինքնակառավարման մարմիններում քվեարկության օրերը, որոնք անցկացվելու են այս տարի:

Նոր որոշման համաձայն՝ ընտրությունները կանցկացվեն ոչ միայն հոկտեմբերի 17-ին և նոյեմբերի 14-ին, ինչպես նախապես հաստատվել էր, այլ նաև՝ դեկտեմբերի 5-ին:

ԿԸՀ քարտուղար Արմեն Սմբատյանը պարզաբանեց, որ փոփոխությունը կապված է մի շարք համայնքների համախմբման ակնկալվող գործընթացի հետ, որպեսզի քաղաքական ուժերը կարողանան պատրաստվել ընտրություններին, տեղեկացնում է News.am-ը:

Հիշեցնենք, որ հուլիսի 22 -ին Հայաստանի Կենտրոնական ընտրական հանձնաժողովի նիստին որոշվեց, որ ընտրությունները կանցկացվեն հոկտեմբերի 17-ին և նոյեմբերի 14-ին: