Աղվան Վարդանյանը հրավիրվել է ՀՔԾ

«Հայաստան» խմբակցության պատգամավոր Աղվան Վարդանյանը քիչ առաջ հրավիրվել է Հատուկ քննչական ծառայություն՝ հարցաքննության՝ Ազգային ժողովում տեղի ունեցած ծեծկռտուքի գործով:

News.am-ի հետ զրույցում Աղվան Վարդանյանն ասաց, որ իրեն Ազգային ժողովում օգոստոսի 25-ին տեղի ունեցած դեպքի առնչությամբ ՀՔԾ-ում նախապատրաստվող նյութերի շրջանակում հրավիրել էին բացատրություն տալու։

Հիշեցնենք, որ Ազգային ժողովում կառավարության ծրագրի ներկայացման ընթացքում ընդդիմադիր և իշխանական պատգամավորների միջև պարբերաբար լարվածություն էր առաջանում։ Այդ լարվածությունն էլ վերածվում էր պատգամավորների միջև ծեծկռտուքի։