2021-09-07 17:40
Լրատվական գործակալություններ
Գեղամ Մանուկյանին ծեծի ենթարկելու դրվագով քրեական գործ է հարուցվել
Ազգային ժողովում «Հայաստան» դաշինքի պատգամավոր Գեղամ Մանուկյանին օգոստոսի 25–ին ծեծի ենթարկելու դրվագով քրեական գործ է հարուցվել։ Sputnik Արմենիայի հետ զրույցում տեղեկությունը հայտնեց Հատուկ քննչական ծառայության մամուլի խոսնակ Մարինա Օհանջանյանը։
Քրեական գործը հարուցվել է ՀՀ քրեական օրենսգրքի 118-րդ հոդվածով (ծեծը)։
«Օգոստոսի 25-ին ԱԺ-ում տեղի ունեցած դեպքերի վերաբերյալ նախապատրաստված նյութերի հիման վրա որոշում է կայացվել քրեական գործ հարուցելը մերժելու մասին՝ հանցակազմի բացակայության հիմքով»,- նշեց Օհանջանյանը։
Ինչ վերաբերում է օգոստոսի 24-ին Ազգային ժողովում տեղի ունեցած դեպքերին, դրանց վերաբերյալ դեռ նյութեր են նախապատրաստվում։