Երևանում հայտնաբերվել է աշխարհահռչակ հայ քիմիկոս-գիտնականի դին

Երևանում, այսօր՝ սեպտեմբերի 21-ին, ողբերգական դեպք է տեղի ունեցել. ժամը 09։30-ի սահմաններում ոստիկանության կենտրոնական բաժին ահազանգ է ստացվել, որ Թամանյան 8 շենքի բակում տղամարդու դի կա։

Shamshyan.com-ի հաղորդմամբ, ըստ նախնական տեղեկությունների՝ մահացածը բնակվում էր նշված շենքի 4-րդ հարկում, և այս պահին ոստիկաններն ու քննիչները պարզում են, թե ինչ հանգամանքներում է դին հայտնվել բակում։

Կարճ ժամանակում հարևանների հետ զրույցի արդյունքում պարզել է մահացածի ինքնությունը, ով 45-ամյա Տ. Կ-ն էր։

Փաստի առթիվ քննիչի կողմից նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակի դատաբժշկական։ Դեպքի վայրում հավաքված հարևաններն ասում էին, որ մահացածը աշխարհում հայտնի 100 քիմիկոս-գիտնականներից էր, տեղեկացնում է News.am։