2021-10-05 09:40
Լրատվական գործակալություններ
0
Կրեմլը հաստատել է Պուտինի և Փաշինյանի հանդիպման նախապատրաստումը
Ռուսաստանում կկայանա ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպումը: «Պատրաստվում է Պուտինի և Փաշինյանի անձնական հանդիպումը Ռուսաստանում»,- հաստատել է ՌԴ նախագահի մամուլի քարտուղար Դմիտրի Պեսկովը՝ հավելելով, որ ժամկետների մասին լրացուցիչ կհայտարարվի, փոխանցում է «ՌԻԱ Նովոստին»:
Ավելի վաղ Դաշնության խորհրդի նախագահ Վալենտինա Մատվիենկոն հայտնել էր, որ Պուտինի և Փաշինյանի հանդիպումը տեղի կունենա մոտ ժամանակներս։ «Փոխգործակցության տոնը սահմանում են մեր երկրների ղեկավարները: Այս տարի արդեն երեք անձնական հանդիպում է տեղի ունեցել: Առաջիկայում պատրաստվում է նոր անձնական հանդիպում»,- ասել է Մատվիենկոն Հայաստանի Ազգային ժողովի նախագահ Ալեն Սիմոնյանի հետ հանդիպման ժամանակ, տեղեկացնում է News.am-ը:
