Ադրբեջանը և Վրաստանը պաշտպանական ոլորտում համագործակցության պլան են ստորագրել

Ավարտվեց Վրաստանում այցով գտնվող Ադրբեջանի պաշտպանության նախարար, գեներալ-գնդապետ Զաքիր Հասանովի հանդիպումը վրացի գործընկերոջ՝ Ջուանշեր Բուրչուլաձեի հետ, տեղեկացնում է Minval-ը։

Հանդիպման ընթացքում քննարկվեցին երկու երկրների պաշտպանության նախարարությունների միջև համագործակցության հեռանկարները։

Կողմերը գոհունակություն հայտնեցին Ադրբեջանի և Վրաստանի միջև հարաբերությունների զարգացումից, ընդգծեցին այդ հարաբերությունների խորացման կարևորությունը։

Հանդիպման ավարտին ստորագրվեց երկու երկրների միջև համագործակցության պլան պաշտպանական ոլորտում, տեղեկացնում է News.am-ը։