«Շոուն շարունակվում է». Աշոտյանին ֆեյսբուքյան գրառման համար ոստիկանություն են հրավիրել

ՀՀԿ փոխնախագահ Արմեն Աշոտյանին հոկտեմբերի 6-ին կատարած ֆեյսբուքյան գրառման համար հրավիրել են ոստիկանության Էրեբունու բաժին։ Ընդդիմադիր գործիչն այդ գրառման մեջ նշել էր «կապիտուլյանտ վիժվածք», «հողատու», «դավաճան» ածականները, տեղեկացնում է News.am։

«Շոուն շարունակվում է։

Առավոտյան մի այսպիսի գրություն են ուղարկել ոստիկանությունից, որը ոչ հրավեր է, ոչ ծանուցագիր։

Հայաստանի Հանրապետության օրենսդրությամբ նման կարգ նախատեսված չի։

Բլանկի վրա նշված համարով փաստաբանիս կապվել չհաջողվեց, ուստի այստեղ գրեմ, մեկ է, կարդում են։

Հասկանալով, որ այս ամբողջ աբսուրդը ոչ թե ոստիկանության, այլ հողատուի մեղքով է, ես բացարձակ խնդիր չունեմ նրանց հանդիպելու, բայց այսօր ու այդ ժամին ինձ հարմար չէ։

Ուստի անմիջապես կապվեք կամ իմ, կամ իմ փաստաբան Տիգրան Աթանեսյանի հետ այդքան բաղձալի հանդիպումը կազմակերպելու համար։

Տեղադրում եմ նաև իմ այն գրառումը, որից այդքան նեղվել է հողատուն։

Կրկին վայելեք»։