2021-10-25 16:12
Լրատվական գործակալություններ
0
Արցախի ԱԻՊԾ․ Որոնողական աշխատանքները կմեկնարկեն վաղը
Ռազմական գործողությունների ընթացքում զոհված և անհետ կորած համարվող զինծառայողների աճյունների կամ մասունքների որոնողական աշխատանքներ իրականացնելու համար՝ արագ արձագանքման հատուկ ստորաբաժանման օպերատիվ խմբերն անցած շաբաթ ելք չեն կատարել: Այս մասին հայտնում են Արցախի ԱԻՊԾ-ից՝ ամփոփելով շաբաթը:
Նախնական պայմանավորվածության համաձայն՝ որոնողական աշխատանքները կմեկնարկեն վաղը:
2020 թվականի նոյեմբերի 13-ից սկսած Արցախի գրավյալ տարածքներում իրականացված որոնումների արդյունքում՝ մինչ օրս, հայտնաբերվել և տարհանվել է ընդհանուր 1686 աճյուն, որոնց թվում նաև քաղաքացիական անձինք են, տեղեկացնում է Verelq.am-ը: