«Ժողովուրդ». ԻՐԱՎԱՊԱՀՆԵՐԸ ՈՐՈՇԵԼ ԵՆ ՆԱԽԱՐԱՐ ԴԱՎԻԹ ՏՈՆՈՅԱՆԻ ՔՐԵԱԿԱՆ ԳՈՐԾՈՎ ԲՈԼՈՐԻՆ ՊԱՀԵԼ ԿԱԼԱՆՔԻ ՏԱԿ

«Ժողովուրդ» օրաթերթի տեղեկություններով՝ իրավապահները, ինչպես նաև դատական համակարգի ներկայացուցիչները որոշել են ՀՀ պաշտպանության նախկին նախարար Դավիթ Տոնոյանի քրեական գործով բոլորին պահել կալանքի տակ:

Նշենք, որ երկու օր առաջ Վերաքննիչ բողոք է ներկայացրել 2009-ից մինչև 2019-ը ավիացիայի պետ-վարչության պետի պաշտոնը զբաղեցնող գեներալ-մայոր Ավետիք Մուրադյանի պաշտպանը, որ նրա կալանքը փոփոխվի, սակայն Վերաքննիչ դատարանը մերժել է պաշտպանների բողոքը: Ի դեպ, Մուրադյանը չի ընդունում մեղադրանքը:

Սա դեռ ամենը չէ. Վերաքննիչը մերժել է նաև Դավիթ Տոնոյանի պաշտպանների միջնորդությունը: Ստացվում է` քրեական գործով հիմնական պաշտոնատար 4 անձինք առայժմ կմնան կալանքի տակ, ու բոլոր միջնորդություները՝ նրանց կալանքը փոփոխելու վերաբերյալ, մերժվելու են։

Aysor.am