2021-10-29 11:26
Լրատվական գործակալություններ
0
«Հրապարակ». ՔՊ-Ի ՊԱՏԳԱՄԱՎՈՐՆԵՐՆ ԱԺ ԱՄԲԻՈՆԸ ԴԱՐՁՐԵԼ ԵՆ ՆԱԽԸՆՏՐԱԿԱՆ ՀՐԱՊԱՐԱԿ
«Հրապարակ» թերթը գրում է. «Երկու օր է՝ իշխող «Քաղպայմանագրի» պատգամավորներն ԱԺ ամբիոնը դարձրել են նախընտրական հրապարակ և նախընտրական քարոզարշավ են իրականացնում, հատկապես Կապանի իրենց թեկնածու, գործող պատգամավոր Դավիթ Դանիելյանի օգտին: Ինքը՝ թեկնածուն ևս նախօրեին կոչով դիմեց Կապանի բնակիչներին:
Մեր տեղեկություններով, նախօրեին «Շանթ դաշինքն» այս փաստով բողոք է ուղարկել ԿԸՀ՝ իշխանական թեկնածուի և կուսակիցների պահվածքը որակելով հակաօրինական: Տեղեկությունը մեզ հետ զրույցում հաստատեց «Շանթ դաշինքի» ղեկավար Շահեն Հարությունյանը՝ ասելով, որ սպասում են ԿԸՀ որոշմանը»։