Իրանի միջուկային գործարքի շուրջ բանակցությունները կվերսկսվեն նոյեմբերի 29-ին՝ Վիեննայում

Իրանի միջուկային գործարքի շուրջ բանակցությունները կվերսկսվեն նոյեմբերի 29-ին՝ Վիեննայում։ Այս մասին Twitter-ում հայտնել է Իրանի Իսլամական Հանրապետության փոխարտգործնախարար Ալի Բաղերին։ Համապատասխան պայմանավորվածությունը ձեռք է բերվել Գործողությունների համատեղ համապարփակ ծրագրի (ԳՀՀԾ) հարցերով համատեղ հանձնաժողովի համակարգող Էնրիկե Մորայի հետ զրույցի ընթացքում։

«Էնրիկե Մորայի հետ հեռախոսազրույցում մենք պայմանավորվեցինք նոյեմբերի 29-ին Վիեննայում բանակցություններ սկսել՝ ապօրինի և անմարդկային պատժամիջոցները վերացնելու նպատակով»,- ասել է Բաղերին, տեղեկացնում է News.am-ը։