Առաջիկա օրերին ամենաբարձր ջերմաստիճանը կգրանցվի Սյունիքում. եղանակի տեսություն

Այսօր և առաջիկա օրերին` մինչև նոյեմբերի 24-ը, Հայաստանի տարածքում տեղումներ չեն սպասվում։ Տեղեկությունը հայտնում է Հիդրոօդերևութաբանության և մոնիթորինգի կենտրոնը։

«Օդի ջերմաստիճանն էապես չի փոխվի»,– նշված է հաղորդագրության մեջ:

Ըստ օդերևութաբանների` այսօր ամենաբարձր ջերմաստիճանը կգրանցվի Սյունիքում (+11-ից +16 աստիճան)։

Երևանում ցերեկային ժամերին օդի ջերմաստիճանը կտատանվի +10-ից +12-ի սահմանում, գիշերը կնվազի` հասնելով 2 աստիճան ցրտի, տեղեկացնում է Sputnik Արմենիա-ն։