Արմեն ԱՇՈՏՅԱՆ․ ՍԵՐԺ ՍԱՐԳՍՅԱՆԻՆ ԿԱՐԵԼԻ Է ՄԵՂԱԴՐԵԼ ԳԼՈԲԱԼ ՏԱՔԱՑՄԱՆ ԿԱՄ ԿՈՐՈՆԱՎԻՐՈՒՍԸ ՍՏԵՂԾԵԼՈՒ ՀԱՄԱՐ
ՀՀԿ փոխնախագահ Արմեն Աշոտյանն իր ֆեյսբուքյան էջում գրել է.
«Այսօր հայտնի դարձավ, որ տխրահռչակ Սիլվա Համբարձումյանի ցուցմունքով ՀՀ երրորդ նախագահ Սերժ Սարգսյանը հարցաքննության է կանչվում որպես մեղադրյալ։
Այո, այո։ Սա այն նույն ունիվերսալ կաշառատու Սիլվան է, ով որպես բութ գործիք շարունակվում է օգտագործվել հողատուի կողմից քաղաքական հակառակորդների դեմ։
Հողատու+ կաշառատու= сладкая парочка.
Սակայն, այս աբսուրդի հետևում թաքնված է մի շատ վտանգավոր գործընթաց։
Ակնհայտ է, որ հերթական դավաճանական գործարքից ժողովրդի ուշադրությունը շեղելու համար բեմադրվում է այս ապուշագույն շոուն։
Երբ Սերժ Սարգսյանին մեղադրանք առաջադրեցին մի նմանատիպ անհեթեթ՝ դիզելի գործով, նա ասաց, որ Արցախը երբեք չի լինելու Ադրբեջանի կազմում։
Հիմա էլ, երբ մութ ամպերը կախվել են Հայաստանի հարավի վրա, մենք պնդում ենք, որ Սյունիքը մշտապես լինելու է հայկական։
Իսկ Սերժ Սարգսյանին ավելի մեծ հաջողությամբ կարելի է մեղադրել գլոբալ տաքացման, կորոնավիրուսը ստեղծելու կամ Տիգրան Ասատրյանի երգերի բառերը գրելու մեջ։
Ավելին, նա պատրատ է ցկյանս նստել, եթե դա է Հայաստանը փրկելու գինը»։