Ադրբեջանը շարունակում է արցախցիների անձնական տվյալների հավաքագրման փորձերը

Ադրբեջանական հատուկ ծառայությունները շարունակում են իրականացնել սոցիալական ցանցերում Արցախի Հանրապետության քաղաքացիների անձնական տվյալների հավաքագրման տարաբնույթ փորձեր: Տեղեկությունը հայտնում է Արցախի տեղեկատվական շտաբը` հղում անելով ԱՀ ազգային անվտանգության ծառայությանը։

«Կոչ ենք անում զերծ մնալ սոցիալական ցանցերում տարբեր օգնություններ առաջարկող կասկածելի օգտահաշիվներին և կազմակերպություններին անձնական տվյալներ տրամադրելուց»,–նշված է հաղորդագրության մեջ:

ԱՀ ԱԱԾ–ն հորդորում է սոցիալական տարբեր ծրագրերի շահառու լինելու համար անձնական տվյալներ փոխանցել միայն պետական կառույցներին:

Կասկածելի հայտարարությունների հանդիպելու դեպքում քաղաքացիները պետք է անհապաղ դիմեն ԱՀ ԱԱԾ, տեղեկացնում է Sputnik Արմենիա-ն: