Պուտինի ու Բայդենի շփումը նախատեսված է դեկտեմբերի 7–ի երեկոյան

Ռուսաստանի և Ամերիկայի Միացյալ Նահանգների նախագահներ Վլադիմիր Պուտինն ու Ջո Բայդենը բանակցություններ կանցկացնեն դեկտեմբերի 7-ի երեկոյան։ Տեղեկությունը ՌԻԱ Նովոստիին է հայտնել ՌԴ նախագահի մամուլի քարտուղար Դմիտրի Պեսկովը։

«Շփումը կլինի երեկոյան, նախագահներն իրենք կորոշեն զրույցի համար հարմար ժամը»,- ասել է Պեսկովը։

Երկու գերտերությունների ղեկավարների բանակցությունները կանցկացվեն տեսակապի միջոցով։

Նրանք կքննարկեն երկկողմ հարաբերությունները, Ուկրաինայի թեման և Ժնևի գագաթնաժողովում ձեռք բերած պայմանավորվածությունների իրականացումը։

Ավելի վաղ հայտնի էր դարձել, որ Պուտինն ու Բայդենը ծրագրում են երկու հանդիպում անցկացնել։ Առաջինը կկայանա հաջորդ շաբաթ, իսկ 2022 թվականին նրանք անձամբ կհանդիպեն, տեղեկացնում է Sputnik Արմենիա-ն։