«ՔՊ»-ը կարգելափակի սահմանազատման մասին ընդդիմության հայտարարության նախագիծը
Արտաքին հարաբերությունների մշտական խորհրդարանական հանձնաժողովը մեծամասնություն կազմող «Քաղաքացիական պայմանագիր» կուսակցության պատգամավորների ջանքերով դեկտեմբերի 6-ի փակ քննարկումից հետո բացասական եզրակացություն տվեց ընդդիմադիր «Հայաստան» դաշինքի կողմից պատրաստված և ներկայացված Ազգային ժողովի հայտարարության նախագծին, տեղեկացնում է News.am-ը։
Այս հարցի քննարկումը տևեց մոտ երկու ժամ։
Ազգային ժողովը, ըստ նախագծի, պետք է դատապարտեր.
- Ադրբեջանի կողմից Լեռնային Ղարաբաղի Հանրապետության տարածքների օկուպացիան,
- Ադրբեջանի զինված ուժերի ներխուժումը Հայաստանի Հանրապետության ինքնիշխան տարածք, ինչպես նաև` Բաքվի կողմից ուժի կամ ուժի կիրառման սպառնալիքի հետևողական կիրառումը,
- ադրբեջանական գերության մեջ հայտնված զինծառայողների և քաղաքացիական անձանց իրավունքների կոպիտ խախտումները, այդ թվում՝ ռազմական գործողությունների ավարտից հետո, ինչպես նաև շինծու դատական գործընթացի պատրվակով նրանց վերադարձը հայրենիք ապահովելուց հրաժարվելը,
- Ադրբեջանի գործողությունները, որոնք ռազմական հանցագործություններ են և այլն։