Իտալացի պատգամավորները գոհունակություն են հայտնել հայ ռազմագերիների ազատ արձակման կապակցությամբ

Իտալացի 26 պատգամավորներ համատեղ հայտարարություն են տարածել՝ իրենց գոհունակությունը հայտնելով դեկտեմբերի 19-ին Ադրբեջանի կողմից 10 հայ ռազմագերիների ազատ արձակման կապակցությամբ, հաղորդել է «Արմենպրես»-ը՝ վկայակոչելով «Նովա» գործակալությունը։

«ՀՀ ԱԳՆ պաշտոնական ներկայացուցիչ Վահան Հունանյանի մամուլի հաղորդագրությունից հայտնի դարձավ, որ Ադրբեջանը Հայաստան է վերադարձրել տասը ռազմագերիների։ Մենք ուրախ ենք, որ Եվրոպայի միջնորդությամբ բարելավման զգալի նշաններ են արձանագրվել։ Հուսով ենք, որ սա միայն սկիզբն է բոլոր անօրինական ձերբակալվածների ազատ արձակման համար, և Լեռնային Ղարաբաղի հակամարտության վերջնական լուծումը գտնելու համար խաղաղ բանակցությունները կշարունակվեն»։

Դեկտեմբերի 10-ին պատգամավորները դիմել են վարչապետ Մարիո Դրագիին՝ Լեռնային Ղարաբաղի պատերազմի ժամանակ գերեվարված զինվորականների և խաղաղ բնակիչների ազատ արձակումը Արևելյան գործընկերության շրջանակներում ԵՄ-ի և Ադրբեջանի միջև հարաբերությունների զարգացման նախապայման դարձնել համար, տեղեկացնում է News.am-ը։