Պեսկովը հայտնել է Սանկտ Պետերբուրգում կայանալիք ԱՊՀ երկրների ղեկավարների գագաթնաժողովի մասին

Դեկտեմբերի 29-ին Սանկտ Պետերբուրգում կկայանա ԱՊՀ երկրների ղեկավարների գագաթնաժողովը, հաղորդում է ՌԻԱ Նովոստին՝ վկայակոչելով ՌԴ նախագահի մամուլի քարտուղար Դմիտրի Պեսկովի հայտարարությունը։

Նախնական տվյալներով՝ նիստը կվարի անձամբ ՌԴ նախագահ Վլադիմիր Պուտինը։ Ամանորի նախաշեմին նմանատիպ գագաթնաժողովներ տեղի են ունեցել 2019 և 2018 թվականներին, ինչպես նաև ավելի վաղ։

Ավելի վաղ Ռուսաստանում Ղազախստանի դեսպան Էրմեկ Կոշերբաևը հայտարարել է դեկտեմբերի 29-ին Սանկտ Պետերբուրգում ԱՊՀ երկրների ղեկավարների ոչ ֆորմալ գագաթնաժողով անցկացնելու մտադրության մասին, տեղեկացնում է News.am-ը ։