Մոսկվայի միջազգային հարաբերությունների պետական ինստիտուտում հայոց լեզու կդասավանդվի

Դեկտեմբերի 21-ին Ռուսաստանի Դաշնությունում Հայաստանի Հանրապետության դեսպանության և Մոսկվայի միջազգային հարաբերությունների պետական ինստիտուտի (ՄՄՀՊԻ) միջև Համագործակցության մասին համաձայնագիր է ստորագրվել։ Այս մասին News.am-ին հայտնել են ՌԴ-ում ՀՀ դեսպանության մամուլի ծառայությունից։

Համաձայնագիրը ստորագրել են Ռուսաստանում Հայաստանի դեսպան Վարդան Տողանյանը և ՄՄՀՊԻ-ի ուսումնական աշխատանքների գծով պրոռեկտոր Անդրեյ Բայկովը։

Այն նախատեսում է ռուսական բուհում հայոց լեզվի դասավանդման գործընթացի իրականացում, հայագիտական հետազոտությունների ոլորտում հարթակի ստեղծում, ինչպես նաև Հայաստանի բուհերի և ՄՄՀՊԻ-ի համագործակցության խթանում։