Անժելա ԷԼԻԲԵԳՈՎԱ․ ԲԱՆԱԳՈՂՈՒԹՅՈՒՆ ԹԵ՞ ՊԱՏԱՀԱԿԱՆՈՒԹՅՈՒՆ
Ադրբեջանի հարցերով փորձագետ Անժելա Էլիբեգովան ուշագրավ նմանություն է նկատել 2022 թվականի հունվարի 21-ին «Քաղաքացիական պայմանագիր» խմբակցության Մարդու իրավունքների պաշտպանի թեկնածու Քրիստինե Գրիգորյանի և 2016 թվականի փետրվարի 22-ին այն ժամանակ դեռ ՄԻՊ թեկնածու, այժմ՝ գործող պաշտպան Արման Թաթոյանի ելույթների միջև, որոնք վերաբերում են Մարդու իրավունքների պաշտպանի ինստիտուտի դերակատարմանն ու առաքելությանը։
Քրիստինե Գրիգորյանը 2022 թվականին խորհրդարանում ունեցած իր ելույթում գրեթե բառացի կրկնել է ձևակերպումներ ու մտքեր, որոնք 2016 թվականին ԱԺ-ում հնչեցրել է Արման Թաթոյանը։
Անժելա Էլիբեգովան հրապարակել է ելույթների համանման հատվածները և հումորային գրառում արել, որում նշված է․ «Աստված իմ, Թաթոյանն ունի ժամանակի մեքենա և 2016-ին «գողացել է» ՔՊ-ի ՄԻՊ թեկնածուի 2022-ի ելույթի տեքստը»։