Մամիջանյան. Ընդդիմությունից նախագահի թեկնածու առաջադրելու որոշումը պետք է կայացվի համատեղ

Եթե ​​ընդդիմությունից թեկնածու առաջադրելու որոշում կայացվի, ապա դա պետք է արվի համատեղ՝ «Պատիվ ունեմ» և «Հայաստան» դաշինքների կողմից։ Այս մասին հունվարի 26-ին լրագրողների հետ հանդիպման ժամանակ ասաց «Պատիվ ունեմ» խմբակցության քարտուղար Հայկ Մամիջանյանը։

Նա պարզաբանեց, որ այժմ խորհրդակցություններ ու քննարկումներ են ընթանում։

«Մեր խմբակցությունը միայն իր ձայներով չի կարող նախագահի թեկնածու առաջադրել։ Ես չեմ պնդում, որ թեկնածու է լինելու: Անուններ չեմ նշում»,- ասաց Մամիջանյանը, տեղեկացնում է News.am-ը։