2022-02-04 11:37
Լրատվական գործակալություններ
0
«Հրապարակ»․ ԸՆԴԴԻՄՈՒԹՅՈՒՆԸ ՀՀ ՆԱԽԱԳԱՀԻ ԹԵԿՆԱԾՈՒ ՉԻ ԱՌԱՋԱԴՐԻ
Ընդդիմությունը որոշել է ՀՀ նախագահի թեկնածու չառաջադրել: Տեղեկությունը հայտնում է «Հրապարակ» օրաթերթը։
«Արմեն Սարգսյանի հրաժարականից հետո սկսված տևական քննարկումների արդյունքում հաղթել է ընդդիմության այն թևը, որը միշտ կողմ է ոչինչ չանելուն, որ իրենց իբր չմեղադրեն իշխանության առաջ քաշած օրակարգերը լեգիտիմացնելու համար։ Մասնավորապես չառաջադրելու կողմնակից են եղել Անդրանիկ Թևանյանն ու Արթուր Ղազինյանը: Եվ անգամ այն փաստարկը, որ դա հնարավորություն կլինի ամբիոնն օգտագործելու և իշխանական թեկնածուի սնանկությունը ցույց տալու, դեր չի խաղացել»,– գրում է պարբերականը։
Ըստ թերթի` այսօր երկու ընդդիմադիր խմբակցությունները հանդես կգան համատեղ հայտարարությամբ:
