Պուտինի և Բայդենի զրույցը կկայանա Վաշինգտոնի ժամանակով շաբաթ առավոտյան

ԱՄՆ և ՌԴ նախագահներ Ջո Բայդենի և Վլադիմիր Պուտինի հեռախոսազրույցը տեղի կունենա Վաշինգտոնի ժամանակով շաբաթ առավոտյան (Մոսկվայի ժամանակով կեսօրից հետո)։ Այս մասին ուրբաթ հայտնել է Սպիտակ տան ներկայացուցիչը, փոխանցում է ՏԱՍՍ-ը։

«Նախագահ Բայդենը և ՌԴ նախագահ Պուտինը կխոսեն շաբաթ առավոտյան»,- հայտնել է նա։

Ըստ ամերիկյան կողմի՝ «Ռուսաստանն առաջարկել էր հեռախոսազրույցը երկուշաբթի անցկացնել»։ «Սպիտակ տունը պատասխան առաջարկ էր արել շաբաթ օրվա համար, նրանք համաձայնել էին»,- հավելել է պաշտոնյան։

Ինչպես ավելի վաղ հայտնել էր ՌԴ նախագահի մամուլի քարտուղար Դմիտրի Պեսկովը, Պուտինն ու Բայդենն ամերիկյան կողմի նախաձեռնությամբ ծրագրում են հեռախոսազրույց ունենալ փետրվարի 12-ին, տեղեկացնում է News.am-ը։