Շոլցը Մոսկվայում կոչ է արել շարունակել դիվանագիտական ջանքերը

ՌԴ նախագահ Վլադիմիր Պուտինի հետ շուրջ երեք ժամ տևած հանդիպման արդյունքում Գերմանիայի դաշնային կանցլեր Օլաֆ Շոլցը կոչ է արել «բոլոր ուժերով խուսափել» Ուկրաինայի և Ռուսաստանի միջև հակամարտության հետագա էսկալացիայից։

Սա Մոսկվա կատարած այցի, ինչպես նաև Կիևում նախօրեին կայացած բանակցությունների գլխավոր նպատակն է, հայտարարել է Շոլցը Պուտինի հետ փետրվարի 15-ին կայացած համատեղ մամուլի ասուլիսի ժամանակ, հաղորդում է «Գերմանական ալիքը»:

«Գերմանացիների և բոլոր եվրոպացիների համար պարզ է, որ եվրոպական անվտանգությունը չի կարող կառուցվել Ռուսաստանի դեմ, բայց միայն Ռուսաստանի հետ», - ընդգծել է Շոլցը։

Նա նաև նշել է, որ անհրաժեշտ է բոլոր ուժերով խոչընդոտել Եվրոպայում կրկին ռազմական էսկալացիայի առաջացմանը, տեղեկացնում է News.am-ը։