Արցախի ԱԺ-ն 2-րդ ընթերցմամբ քննարկում է «Բռնազավթված տարածքների մասին» օրինագիծը (ՏԵՍԱՆՅՈՒԹ)
Արցախի Հանրապետության Ազգային ժողովն իր այսօրվա՝ փետրվարի 18-ի արտահերթ նիստում 2-րդ ընթերցմամբ քննարկում է «Բռնազավթված տարածքների մասին» օրենքի նախագիծը:
Հիշեցնենք, որ օրենքի նախագիծն առաջին ընթերցմամբ ընդունվել է 2 օր առաջ՝ փետրվարի 16-ին:
Օրինագծով սահմանվում է 1991-1994 և 2016 թվականներին Ադրբեջանի Հանրապետության և 2020 թվականին Թուրքիայի Հանրապետության և օտարերկրյա զինյալ ահաբեկիչների անմիջական մասնակցությամբ Ադրբեջանի Հանրապետության կողմից Արցախի Հանրապետության դեմ իրականացված ռազմական ագրեսիայի հետևանքով բռնազավթված տարածքների իրավական կարգավիճակի ու դրանց վրա տարածվող իրավական հատուկ ռեժիմի, պետական կառավարման և տեղական ինքնակառավարման մարմինների, կազմակերպությունների գործունեության առանձնահատկությունների, մարդու և քաղաքացու իրավունքների և ազատությունների, ինչպես նաև իրավաբանական անձանց իրավունքների և շահերի պահպանության ու պաշտպանության հետ կապված հարաբերությունները։
Նախագիծը փորձաքննության է ենթարկվել Ազգային ժողովի աշխատակազմի փորձագիտական ծառայությունում և առաջարկվել է նախագծի ընդունման առնչությամբ փոփոխություններ կատարել Ընտրական և Քաղաքացիական օրենսգրքերում, « Տեղական հանրաքվեի մասին» օրենքում, տեղեկացնում է News.am-ը:
