Պուտին․ Այսօր որոշում կկայացվի ինքնահռչակ ԴԺՀ-ի և ԼԺՀ-ի ճանաչման վերաբերյալ

ՌԴ նախագահ Վլադիմիր Պուտինը հայտարարել է, որ այսօր որոշում կկայացնի ԴԺՀ-ի և ԼԺՀ-ի անկախության ճանաչման վերաբերյալ, գրում է «ՌԻԱ Նովոստին»։

Ավելի վաղ նրան նման խնդրանքով դիմել էին ինքնահռչակ հանրապետությունների ղեկավարներ Դենիս Պուշիլինը և Լեոնիդ Պասեչնիկը։

«Ձեր կարծիքները լսվեցին։ Որոշումը կկայացվի այսօր։ Ուզում եմ շնորհակալություն հայտնել ձեզ այս հանդիպման, այս խորհրդակցության համար»,- ասել է ՌԴ նախագահը Անվտանգության խորհրդի նիստից հետո։

Վլադիմիր Պուտինի համապատասխան հայտարարությունից մի հատված հրապարակվել է RIA_Kremlinpool Telegram ալիքում։