Ուկրաինայում ցուցադրել են ադրբեջանցի վարձկաններին, որոնք պատրաստ են կռվել Ռուսաստանի դեմ (ՏԵՍԱՆՅՈՒԹ)

УНИАН ուկրաինական գործակալությունը Telegram-ալիքում ցուցադրել է վարձկանների, որոնք իրենց անվանել են Ադրբեջանի քաղաքացիներ և հայտարարել, որ պատրաստ են կռվել ՌԴ-ի դեմ։ Նրանցից մեկն առանձնակի ագրեսիվությամբ և վիրավորական տոնով է արտահայտվել Չեչնիայի ղեկավար Ռամզան Կադիրովի հասցեին։

«Ես Ադրբեջանի քաղաքացի եմ, «Ազով» գնդի կամավորական, շնորհակալ եմ Ուկրաինային տունս և ընտանիքս պաշտպանելու ընձեռված հնարավորության համար»,- տեսանյութում ասել է նրանցից մեկը։

Նա նաև վիրավորական արտահայտություններ է արել Չեչնիայի ղեկավար Ռամզան Կադիրովի հասցեին և կարգախոսներ բղավել «Իչկերիայի» օգտին, տեղեկացնում է News.am-ը։