ՀՀ ՊՆ․ Ադրբեջանը կրակ է բացել արևմտյան հատվածում տեղակայված հայկական դիրքերի ուղղությամբ

Ադրբեջանի ԶՈՒ ստորաբաժանումներն այսօր՝ մարտի 9-ին, ժամը 13։10-ի սահմաններում, տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևմտյան հատվածում տեղակայված հայկական մարտական դիրքերի ուղղությամբ։ Այս մասին NEWS.am-ը տեղեկանում է Պաշտպանության նախարարությունից։

«Հայկական կողմի պատասխան գործողություններով հակառակորդի կրակը լռեցվել է։ Ժամը 15։00-ի դրությամբ իրադրությունը սահմանի այդ հատվածում հարաբերականորեն կայուն է»,- ասվում է ՊՆ հաղորդագրության մեջ։