Մեդվեդև. Ռուսաստանը կշարունակի պայքարել իրեն հարմար աշխարհակարգի համար
Վարքագիծը, որը դրսևորում են արևմտյան երկրները Ռուսաստանի նկատմամբ վերջին տարիներին, հանցավոր և անբարոյական է։ Նման գնահատական է տվել ՌԴ Անվտանգության խորհրդի փոխնախագահ Դմիտրի Մեդվեդևը Telegram-ի իր ալիքում իր առաջին հրապարակման մեջ։
«Արևմտյան աշխարհի երկրներ վերջին տարիների վարքագիծը Ռուսաստանի նկատմամբ զզվելի, հանցավոր և անբարոյական է,- ասել է նա։- և դա, չնայած նրան, որ մենք անկեղծորեն ձգտում էինք լավ հարաբերություններ ունենալ նրանց հետ»:
Մեդվեդևը հիշեցրել է, որ երկրները միասին հաղթեցին ֆաշիզմը 20-րդ դարում և պայմանավորվեցին անվտանգության և համագործակցության համընդհանուր կանոնների շուրջ։ Բայց այժմ Արևմուտքի երկակի ստանդարտներն այլևս ոչ մեկին չեն զարմացնում, հավելել է նա։ «Երբ իրենց պետք է, նրանք կարող են փակել իրենց աչքերն ամեն ինչի վրա, այդ թվում՝ Դոնբասում խաղաղ բնակիչների տարիներ տևած ոչնչացման: Եթե ինչ-որ բան իրենց հրահանգով չի ընթանում, մեղավորը մեկն է՝ մեր երկիրը»,- հայտարարեց ԱԽ փոխնախագահը։
Մեդվեդևի խոսքով՝ Ռուսաստանը կշարունակի պայքարել այն աշխարհակարգի համար, որը հարմար է իրեն և իր քաղաքացիներին, այնտեղ նացիստների և ցեղասպանության համար տեղ չկա։ Արևմուտքը չի կարողանա «վերադաստիարակել» Ռուսաստանին անգլո-սաքսոնական ձևով, հնաձանդեցնել կամ մասերի բաժանել այն, ասել է նա, տեղեկացնում է News.am-ը։