«ԴԻՄԱԴՐՈՒԹՅԱՆ» ՇԱՐԺՄԱՆ ԵՐԹԵՐԸ ՀԱՍԱՆ ՖՐԱՆՍԻԱՅԻ ՀՐԱՊԱՐԱԿ (ՈՒՂԻՂ ԵԹԵՐ)

Հայաստանի 4 խորհրդանշական վայրերից` Իջևանից, Տիգրանաշենից, Սարդարապատից և Բաշ Ապարանից, Արցախի փրկության և իշխանափոխության պահանջով մեկնարկած երթը հասել է Երևանի Ֆրանսիայի հրապարակ:

Երեվանի մուտքից երթի մասնակիցներին են միացել մեծ թվով քաղաքացիներ, Սարդարապատի ուղղությամբ եկող խմբին է միացել ՀՀ երկրորդ նախագահ Ռոբերտ Քոչարյանը` որդու, դստեր և թոռների հետ:

Երթը և հանրահավաքը հսկում են մեծաթիվ ոստիկանական ուժեր:

Այսօր` մայիսի 1-ին, 16:00-ին Երևանի Ֆրանսիայի հրապարակում կմեկնարկի մեծ հանրահավաքը: Հանրահավաքին են միանալու «Պատիվ ունեմ» խմբակցության ղեկավար Արթուր Վանեցյանն իր համակիրներով, 5165 շարժման անդամներն են ու «Ազատագրում» շարժման անդամները և այլ ուժեր:

News.am