«Սիլվայի գործով» նիստ տեղի կունենա

Երևանի ընդհանուր իրավասության դատարանի Շենգավիթի նստավայրում տեղի կունենա «Սիլվայի գործով» նիստ։

Որպես մեղադրյալներ գործով անցնում են Հայաստանի երկրորդ նախագահ Ռոբերտ Քոչարյանը և նախկին փոխվարչապետ, այժմ՝ ընդդիմադիր «Հայաստան» խմբակցության պատգամավոր Արմեն Գևորգյանը։

Հիշեցնենք, որ նախորդ նիստերը չէին կայացել ԵԽԽՎ-ի նստաշրջանին մասնակցելու համար Արմեն Գևորգյանի Ստրասբուրգ մեկնելու հետ կապված։

Ավելի վաղ Ռոբերտ Քոչարյանի փաստաբան Արամ Օրբելյանը փորձել էր միջնորդություն ներկայացնել, բայց դատարանը նրան այդպիսի հնարավորություն չէր տվել։ Ի նշան բողոքի՝ փաստաբանը հեռացել էր նիստերի դահլիճից, տեղեկացնում է News.am-ը։