«Դիմադրություն» շարժումը մայիսի 8-ին ավտոերթով կմեկնի Գյումրի

«Դիմադրություն» շարժումը վաղը առավոտյան 9:30 Աշտարակի խճուղուց ավտոերթով կմեկնի Գյումրի, այնուհետև ժամը 13:00-ին հանրահավաք կանցկացնի Գյումրիում: Այս մասին հայտարարեց «Դիմադրություն» շարժման համակարգող, ԱԺ փոխխոսնակ Իշխան Սաղաթելյանը:

Ժամը 17:00-ին էլ Ֆրանսիայի հրապարակում արցախցիները մշակութային միջոցառում են կազմակերպելու: Վաղը ընդդիմությունը հանրահավաք չի անցկացնի Երևանում:

«Մայիսի 9-ին` Շուշիի ազատագրության օրը, 17:00-ին, այս հրապարակում հրավիրում ենք հրապարակ հանրահավաքի: Վաղը նաև կունենանք աշխատանքային օր, մեր աշխատանքները վերակազմակերպելու, ծրագրերը ամբողջացնելու համար»,-ասաց նա:

Նշենք, որ Երևանում մայիսի 2-ից Երևանում անցկացվում են խաղաղ անհնազանդության ակցիաներ, փակվում են են մի շարք փողոցներ:

Անհնազանդության ակցիաներ են անցկացվում նաև մարզային համայնքներում, տեղեկացնում է News.am-ը։