«ԴԻՄԱԴՐՈՒԹՅՈՒՆ» ՇԱՐԺՄԱՆ ՀԱՆՐԱՀԱՎԱՔԸ՝ ՖՐԱՆՍԻԱՅԻ ՀՐԱՊԱՐԱԿՈՒՄ (ՈՒՂԻՂ ԵԹԵՐ)

Ֆրանսիայի հրապարակում այսօր՝ մայիսի 12–ին, ժամը 19։00–ին մեկնարկել է «Դիմադրություն» շարժման հանրահավաքը։

Այսօր Երևանի տարբեր ուղղություններով ավտոերթեր են իրականացվել, ապա 16։00–ին շարժման մասնակիցները երթով շարժվել են գլխավոր դատախազության շենք, որտեղ բողոքի ակցիա էին անում 44–օրյա պատերազմում զոհված զինծառայողների հարազատները։ «Հայաստան» խմբակցության անդամ Արամ Վարդևանյանը հայտարարել էր, որ գնում են ծնողների կողքին լինելու և նրանց պահանջին միանալու համար։

Հիշեցնենք, որ զոհված զինծառայողների հարազատները դիմել էին դատախազություն, որպեսզի ստանան տուժողի դատավարական կարգավիճակ, ինչպես նաև պահանջել էին, որ Նիկոլ Փաշինյանին ներգրավվեն որպես մեղադրյալ և կալանավորեն։

Ծնողների առաջին պահանջը բավարարվել է. 27 անձ ճանաչվել է տուժողի իրավահաջորդ. ևս 15-ի վերաբերյալ միջնորդություն են ներկայացրել, գործընթացը շարունակվում է:

44–օրյա պատերազմում զոհված զինծառայողների իրավահաջորդների ներկայացուցիչ Վահան Հովհաննիսյանն այսօր լրագրողների հետ զրույցում ասել էր, որ դատախազը ցուցում է տվել քննիչին Նիկոլ Փաշինյանին հարցաքննելու համար։

News.am