Շոլցը, Մակրոնն ու Դրագին մեկնել են Ուկրաինա

Իտալիայի վարչապետ Մարիո Դրագին, Ֆրանսիայի նախագահ Էմանուել Մակրոնն ու Գերմանիայի կանցլեր Օլաֆ Շոլցը Ուկրաինա են հասել գնացքով: Տեղեկությունը հայտնում է «RaiNews24» հեռուստաալիքը։

Լուսանկար է հրապարակվել, որում Դրագին, Մակրոնն ու Շոլցը զրուցում են ոչ պաշտոնական մթնոլորտում։

Ինչպես գրում է իտալական «La Repubblica» թերթը, քաղաքական գործիչները գնացք են նստել Լեհաստանում։

Հիշեցնենք` շաբաթվա սկզբին հայտնի էր դարձել, որ Ֆրանսիայի նախագահը, Գերմանիայի կանցլերն ու Իտալիայի վարչապետն այցելելու են Ուկրաինայի մայրաքաղաք։

Sputnik Արմենիա