Բողոքի ակցիա Կառավարության դիմաց՝ ընդդեմ վարձով բնակարանների գների բարձրացմանը (ՏԵՍԱՆՅՈՒԹ)

Քաղաքացիներն այսօր՝ հուլիսի 28-ին, բողոքի ակցիա են իրականցրել Կառավարության դիմաց՝ դժգոհելով վարձով բնակարանների գների բարձրացումից։ Նրանք պահանջում էին կամ վերահսկողություն իրականացնել վարձակալական բնակարանների վրա կամ էլ մեղմել հիփոթեքային պայմանները:

«Ես անչափահաս երեխաների մայրիկ եմ և չեմ կարողանում գտնել վարձով բնակարան, քանի որ գները խայտառակ բարձր են: 150 000 դրամից պակաս արժեքով բավարար վիճակում բնակարան գտնելն անհնար է դարձել: Այս պահին ես վճարում եմ 110 000 դրամ, բայց պայմանները շատ վատ են: Այս խնդիրը վաղուց կա: Ամենաբարձր ոլորտում նույնիսկ աշխատելով չես կարող միջին չափի բնակարան գնել»,- ասաց նա:

Քաղաքացիներից մեկն էլ ասաց, որ եթե մարդիկ կարողանում են վարձ վճարել, ապա կկարողանան նաև հիփոթեք վճարել:

«Ես փորձել եմ տուն վերցնել հիփոթեքով, բայց այնպիսի պահանջներ են ներկայացնում: Օրինակ՝ 600 000 դրամ աշխատավարձ: Ես մտնում եմ List.am կայք գրում եմ 50-60 հազար դրամ, ինձ մոտ բերում է մի գարաժ»:

News.am