Ռուբեն Վարդանյան․ Խաղաղության պայմանագիրն ընդամենը թուղթ է

Մենք պատերազմի ժամանակ չենք պարտվում։ Մենք պարտվում ենք միայն այն ժամանակ, երբ ինքներս ենք սկսում մեզ պարտված համարել։ Այս մասին սեպտեմբերի 2-ին Ստեփանակերտում մամուլի ասուլիսի ժամանակ հայտարարեց հայազգի գործարար, սոցիալական ձեռներեց, «Ավրորա» մարդասիրական նախաձեռնության համահիմնադիր Ռուբեն Վարդանյանը։

Նա կոչ արեց հայրենակիցներին չընկրկել և պահպանել հույսը։

«Երբ մարդը հույս չունի, նա այլևս ի վիճակի չէ որևէ բան փոխել... Շատ կարևոր է, երբ հավատում ես սեփական ապագային, երբ հավատում ես, որ երեխադ քեզնից լավ է ապրելու։ Այդ դեպքում դու պատրաստ կլինես գնալ անել ամեն ինչի»,- ասաց Վարդանյանը։

Իսկ խաղաղության պայմանագիրը, ըստ գործարարի, ընդամենը թուղթ է.

«Այն ոչինչ չարժե, եթե դու թույլ ես։ Այդ թուղթը ոչ մի անվտանգություն չի ապահովի: Այդպիսի համաձայնագրերը շատ երկրների չեն օգնել։ Դրանց թվում կան նաև ամենաուժեղները... Ես հավատում եմ, որ խաղաղության կարելի է հասնել միայն այն դեպքում, եթե երկու կողմերն էլ հասկանան, որ նոր պատերազմն իրենց համար վերջինն է լինելու»,- պարզաբանեց Վարդանյանը։

News.am