ԲՈՂՈՔԻ ԱԿՑԻԱ ՓԱՇԻՆՅԱՆԻ ՀՐԱԺԱՐԱԿԱՆԻ ՊԱՀԱՆՋՈՎ (ՈՒՂԻՂ ԵԹԵՐ)

Ազգային ժողովի դիմաց, Բաղրամյան պողոտայում վարչապետ Նիկոլ Փաշինյանի հրաժարականի պահանջով հավաքված քաղաքացիները բողոքի ակցիա են սկսել:

ԱԺ ցանկապատի դիմաց վահաններով ու սաղավարտներով զինված ոստիկանները շղթա են կազմել:

Հիշեցնենք, որ երեկ երեկոյան բազմաթիվ քաղաքացիներ փակել էին Բաղրամյան պողոտան և բողոքի ակցիան էին իրականացնում՝ պահանջելով Նիկոլ Փաշինյանի հրաժարականը։ Նրանք վանկարկում էին «Նիկոլ դավաճան»։

ԱԺ «Հայաստան» խմբակցության պատգամավոր Արամ Վարդևանյանը հայտարարել է, որ Նիկոլ Փաշինյանի իմփիչմենթի պահանջը ստորագրել են «Հայաստան» և «Պատիվ ունեմ» խմբակցությունները, պետք է ՔՊ-ից ևս 18 պատգամավոր ստորագրի, որպեսզի գործընթացն սկսվի:

Երեկ Փաշինյանի հրաժարականի պահանջով ինքնաբուխ հանրահավաքներ են տեղի ունեցել նաև Գյումրիում, Ստեփանակերտում, նաև ԱՄՆ-ում ՀՀ դեսպանատան դիմաց:

News.am