Ռաիսին Էրդողանին ասել է, որ Իրանը դեմ է Կովկասում սահմանների ցանկացած փոփոխությանը

Իրանի նախագահ Իբրահիմ Ռաիսին Թուրքիայի առաջնորդ Ռեջեփ Թայիփ Էրդողանի հետ հանդիպման ժամանակ անընդունելի է անվանել Հարավային Կովկասում սահմանների ցանկացած փոփոխությունը։ «Գազետա ռու»-ն գրում է, որ այդ մասին հայտնում է Իրանի առաջնորդի կայքը։

Ռաիսին ընդգծել է, որ Իրանը բարեկամ է իր հարևանների համար, որոնց աջակցում է ճգնաժամի ժամանակ։

Խոսելով Կովկասում տիրող իրավիճակի մասին՝ Իրանի նախագահը ողջունել է Ղարաբաղի տարածքի «ազատագրումն» ու նրա վերականգնման նախապատրաստումը։ Միաժամանակ նա անընդունելի է համարել տարածաշրջանի միջազգային, պատմական ու աշխարհաքաղաքական սահմանների ցանկացած փոփոխություն։

Panorama.am