Չարլզ III-ը կթագադրվի հունիսի 3-ին՝ Լոնդոնում

Մեծ Բրիտանիայի թագավոր Չարլզ III-ը կթագադրվի հաջորդ տարվա հունիսի 3-ին՝ Վեսթմինսթերյան աբբայությունում կայանալիք արարողության ժամանակ, հայտնում է Bloomberg-ը՝ վկայակոչելով պաշտոնատար անձանց։

Թագադրումը կդառնա միապետի գահակալության սկզբին նվիրված տոնակատարության առանցքը: Չարլզը գահ է բարձրացել և թագավոր է կոչվել անցյալ ամիս՝ իր մոր՝ Եղիսաբեթ II թագուհու մահից հետո:

Հաջորդ հունիսին թագավորը կդառնա 74 տարեկան, ինչը նրան կդարձնի բրիտանական պատմության ամենատարեց թագադրված միապետը: Հաղորդվում էր, որ թագադրումը կլինի նախորդ արարողությունների ավելի համեստ տարբերակը՝ տարբեր դավանանքների և սոցիալական խմբերի ներկայացուցիչների համար տեղով, ինչը համապատասխանում է ժամանակակից Բրիտանիայի բազմազանությանը: Չարլզը կթագադրվի կնոջ՝ թագուհի-կոնսորթ Կամիլայի հետ:

Երբ 1953-ին Եղիսաբեթ II-ը թագադրվեց, 129 երկրներից ավելի քան 8000 հյուրեր էին ժամանել Լոնդոնի կենտրոնում Վեստմինսթերյան աբբայություն, որտեղ ժամանակավոր հարթակներ էին տեղադրվել հյուրերին, այդ թվում՝ բրիտանական արիստոկրատիայի բոլոր ներկայացուցիչներին տեղավորելու համար:

News.am