Արցախի նախագահի գլխավորած պատվիրակությունը Երևանում է

NEWS.am-ի տեղեկություններով, Արցախի Հանրապետության նախագահ Արայիկ Հարությունյանի գլխավորությամբ աշխատանքային պատվիրակությունն այսօր՝ հոկտեմբերի 11–ին, ժամանել է Երևան։

Մեզ չհաջողվեց պարզել՝ վարչապետ Նիկոլ Փաշինյանի հետ հանդիպումն արդեն կայացե՞լ է, թե՝ ոչ։ Կառավարության հանրային կապերի և տեղեկատվության կենտրոնից ասացին՝ երբ հանդիպումը լինի, այդ մասին հաղորդագրություն կտարածվի։

Հիշեցնենք, որ Արցախից ժամանած պատվիրակությունը Հայաստանի իշխանությունների հետ պետք է քննարկի Արցախի և Հայաստանի շուրջ ստեղծված իրավիճակը։