Կարինե ՆԱԼՉԱՋՅԱՆ․ ԱՆՆԱ ՀԱԿՈԲՅԱՆԸ ՀԵՐԹԱԿԱՆ ՀՈԳԵԲԱՆԱԿԱՆ ԴԻՎԵՐՍԻԱՆ Է ԻՐԱԿԱՆԱՑՆՈՒՄ ՀԱՅ ԺՈՂՈՎՐԴԻ ՆԿԱՏՄԱՄԲ
Հայաստանի ներկայիս վարչապետի տիկնոջ՝ Աննա Հակոբյանն ի սկզբանե առաքելություն է ունեցել, և նա ոչ մի բանի առաջ կանգ չի առնելու։ Նա կարող է միայն ժամանակավոր ընդմիջում անել, ամրապնդել իր դիրքերը և այնուհետև հերթական դիվերսիան անել: Այս մասին հոկտեմբերի 11-ին լրագրողների հետ հանդիպման ժամանակ ասաց հոգեբան Կարինե Նալչաջյանը։
Հոգեբանի խոսքով՝ հայ հասարակությունն ապրում է «հոգեբանական դիվերսիայի» ժամանակաշրջանում։ Ներկայիս քաղաքական վերնախավի կողմից 2018 թվականին իշխանության բռնազավթումը, նրա կարծիքով, տեղի է ունեցել հոգեբանական դիվերսիայի իրականացման հետ միաժամանակ։
«Մենք վաղուց հոգեբանական պատերազմի մեջ ենք։ Այն դեռ շարունակվում է։ Հոգեբանական պատերազմը վտանգավոր է նրանով, որ անտեսանելի է։ Դուք պարզապես չեք տեսնում այն: Սակայն այս կնոջ (Աննա Հակոբյան- խմբ.) քայլերը հոգեբանական պատերազմի ու հոգեբանական դիվերսիայի վառ ու բնորոշ օրինակ են։ Ի՞նչ է անում այս կինը: Երբ դիտարկում ենք ընթացիկ սոցիալական գործընթացները, մենք կամա թե ակամա սկսում ենք ֆիքսել, որ մեր ժողովուրդն այլևս այնքան միամիտ չէ, ինչպես 2018թ.։ Ժողովուրդը բացել է աչքերը... Գործող իշխանության դիմակը հիմնականում պատռված է։ Սա սպառնալիք է ներկայացնում նրանց համար և, հետևաբար, հիմնավոր անհանգստություն է առաջացնում: Ժողովրդի բացահայտումը կարող է որոշակի խնդիրներ առաջացնել գործող իշխանության համար։ Ուստի ժամանակ առ ժամանակ, հերթական հոգեբանական դիվերսիայի շրջանակներում գործում ներգրավվում է Հայաստանի ներկայիս վարչապետի կինը։ Նա սիրում է մահացածներին և դագաղներ: Նրանք այդպես եկան իշխանության։ Տպավորություն է ստեղծվում, որ այս կինը յուրացրել է վերը վերոնշյալ թեմաները»,- պարզաբանեց Նալչաջյանը։
Հոգեբանի կարծիքով՝ հայ ժողովրդին համառորեն փորձում են զոհի հոգեբանություն պարտադրել։ Փորձագետը կարծում է, որ այս խնդիրը մասամբ կատարվել է։
Հիշեցնենք, որ վարչապետի տիկնոջ՝ Աննա Հակոբյանի հիմնադրած «Կանայք հանուն խաղաղության» կազմակերպության պաշտոնական կայքում հայտնվել էր հերթական կոչը՝ ուղղված հայ կանանց ու մայրերին։ Այն քննադատությունների և զայրույթի ալիք է բարձրացրել: