2022-10-12 17:00
Լրատվական գործակալություններ
Պուտին․ Ռուսաստանը չի մատակարարի էներգառեսուրսներ՝ ի վնաս իրեն
Ռուսաստանի նախագահ Վլադիմիր Պուտինը հայտարարել է, որ Ռուսաստանը չի գործի՝ ի հեճուկս ողջախոհության, և երկրներին էներգառեսուրսներ չի մատակարարի՝ ի վնաս իրեն, հաղորդում է ՌԻԱ Նովոստին։
«Ռուսաստանը չի գործի՝ ի հեճուկս ողջախոհության, և երկրներին էներգառեսուրսներ չի մատակարարի՝ ի վնաս իրեն։ Մենք էներգառեսուրսներ չենք մատակարարի այն երկրներին, որոնք կսահմանափակեն իրենց գները»,-ասել է Պուտինը։
Ըստ Gulf News-ի՝ ԱՄՆ-ն փորձում է ապավինել շուկայի մասնակիցների աջակցությանը՝ ռուսական նավթի գինը սահմանափակելու և Մոսկվային էներգետիկ եկամուտներից զրկելու համար։
News.am