ԿԳՄՍ նախարարը հանդիպել է Բրյուսովի անվան համալսարանի ռեկտորի հետ

ԿԳՄՍ նախարար Վահրամ Դումանյանն այսօր հանդիպել է Վալերի Բրյուսովի անվան պետական համալսարանի ռեկտոր Կարինե Հարությունյանի հետ: Այս մասին Sputnik Արմենիայի հետ զրույցում հայտնեց ԿԳՄՍ մամուլի քարտուղար Գեղամ Մելիքբեկյանը։

«Խոսել են բուհերի խոշորացման թեմայի շուրջ։ Եղել է կառուցողական զրույց»,– նշեց Մելիքբեկյանը։

Ի դեպ` համալսարանի գիտական խորհրդի ընդլայնված նիստին նախարար Դումանյանը չի մասնակցի ծանրաբեռնված աշխատանքային գրաֆիկի պատճառով։ Նրա փոխարեն նիստին ներկա կլինի ԿԳՄՍ նախարարի տեղակալ Կարեն Թռչունյանը:

Sputnik Արմենիայի մյուս ճշտող հարցերին նախարարության մամուլի խոսնակը հրաժարվեց պատասխանել։