Կիևում պայթյուններ են հնչել, հարվածներ են հասցվել ենթակառուցվածքներին

Կիևի իշխանությունները հայտնել են ենթակառուցվածքներին հասցված հարվածների մասին։

«Թշնամին շարունակում է հարվածներ հասցնել շատ կարևոր ենթակառուցվածքներին» - ասված է Կիևի ռազմական վարչակազմի Telegram-ալիքում:

Կիևի քաղաքապետ Վիտալի Կլիչկոն իր Telegram-ալիքում հայտնել է, որ երկու նոր պայթյուններ են հնչել Ուկրաինայի մայրաքաղաքի կենտրոնում` Շևչենկովյան շրջանում:

«Եվս երկու պայթյուն Շևչենկովյան շրջանում: Մնացեք ապաստարաններում»,– գրել է նա։

Պայթյուններ են հնչել նաև Օդեսայում։

Այս մասին իր Telegram ալիքում գրել է Գերագույն Ռադայի պատգամավոր Ալեքսեյ Գոնչարենկոն։

Ավելի վաղ տեղի իշխանությունները հայտնել էին, որ Օդեսայում արդեն երկրորդ անգամ է օդային տագնապ հայտարարվել:

Sputnik Արմենիա