Պուտին-Փաշինյան բանակցություններն ավելի քան մեկ ժամ են տևել (ՏԵՍԱՆՅՈՒԹ)
ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի ընդլայնված կազմով բանակցությունները, որոնք տևել են ավելի քան մեկ ժամ, ավարտվել են։ Բանակցություններին հաջորդել է առանձնազրույցը։
Պուտինը հույս է հայտնել, որ հանդիպմանը կհաջողվի առաջ շարժվել ղարաբաղյան կարգավորման հարցում։ Նա ընդգծել է, որ հակամարտությունը պետք է ավարտվի ։
Փաշինյանը հայտարարել է, որ մինչ այժմ լուծված չէ հայ գերիներին ազատ արձակելու հարցը։ Նրա խոսքով՝ Երևանը շահագրգռված է տարածաշրջանային տրանսպորտային հաղորդակցությունների ապաշրջափակմամբ և պատրաստ է ցանկացած պահի գնալ համապատասխան լուծումների։
Փաշինյանը նաև նշել է, որ Հայաստանի համար կարևոր է ադրբեջանական զորքերի դուրսբերումը ռուս խաղաղապահների պատասխանատվության գոտուց։
Ավելի վաղ հայտնել էինք, որ Ռուսաստանի, Հայաստանի և Ադրբեջանի ղեկավարներն այսօր եռակողմ հանդիպում կանցկացնեն Սոչիում։ Մինչ եռակողմ հանդիպումը Սոչիում կայացել է Պուտին–Փաշինյան երկկողմ հանդիպումը։
Փաշինյանի հետ աշխատանքային այցով Ռուսաստանի Դաշնություն են մեկնել նաև ՀՀ փոխվարչապետ Մհեր Գրիգորյանը, ՀՀ անվտանգության խորհրդի քարտուղար Արմեն Գրիգորյանը, ՀՀ արտաքին գործերի նախարար Արարատ Միրզոյանը և այլ պաշտոնյաներ։
Sputnik Արմենիա