Ռուսաստանը վերսկսում է իր մասնակցությունը հացահատիկային գործարքին

Ռուսաստանը վերսկսում է իր մասնակցությունը Ստամբուլի պարենային գործարքին, քանի որ ստացել է բավարար երաշխիքներ։ Այս մասին հայտնել է ՌԴ Պաշտպանության նախարարությունը։

«Միջազգային կազմակերպության (ՄԱԿ) մասնակցության, ինչպես նաև Թուրքիայի աջակցության շնորհիվ հաջողվեց Ուկրաինայից ստանալ անհրաժեշտ գրավոր երաշխիքներ հումանիտար միջանցքի և ուկրաինական նավահանգիստների չօգտագործման վերաբերյալ, որոնք նախատեսված են գյուղատնտեսական արտադրանքի արտահանման, ՌԴ դեմ մարտական գործողությունների համար և 2022 թվականի նոյեմբերի 1-ին ուղարկվել են Համատեղ կոորդինացիոն կենտրոն 1»,- ասել են գերատեսչությունում, փոխանցում է ՌԻԱ Նովոստին։

ՌԴ պաշտպանության նախարարությունը հիշեցրել է, որ հոկտեմբերի 29-ին Ուկրաինայի կողմից Սևծովյան նավատորմի նավերի և քաղաքացիական նավերի դեմ, որոնք ներգրավված են «հացահատիկային միջանցքի» անվտանգության ապահովման մեջ, ահաբեկչություն իրականացնելուց հետո, Ռուսաստանը կասեցրել է «պարենային գործարքի» իրականացումը։

News.am