2022-12-08 11:27
Լրատվական գործակալություններ
0
Վարդազարյանի և Ջհանգիրյանի աղմկահարույց զրույցի քրեական վարույթը կարճվել է
ՀՀ քննչական կոմիտեն կարճել է Բարձրագույն դատական խորհրդի նախկին նախագահներ Ռուբեն Վարդազարյանի և Գագիկ Ջհանգիրյանի աղմկահարույց զրույցի մասով հարուցված քրեական վարույթը, գրում է «Ժողովուրդ» օրաթերթը։
ԲԴԽ նախկին նախագահ Ռուբեն Վարդազարյանը լրատվամիջոցին հաստատել է տեղեկությունը։
«Այո՛, որոշել են կարճել քրեական վարույթը և մեզ ժամանակ են տվել ներկայացնել միջնորդությունները, ինչը ներկայացվել է: Սպասում եմ միջնորդությունների պատասխանին, որից հետո հանգամանալից կխոսենք կարճման հիմքերի մասին և կմեկնաբանենք իրավիճակը», – ասել է Վարդազարյանը:
Sputnik Արմենիա