Թուրքիայի դեսպանը գնացել է Լաչինի միջանցք. ադրբեջանական լրատվամիջոցներ

Ադրբեջանում Թուրքիայի դեսպան Ջահիթ Բաղչին գնացել է Լաչինի միջանցքի տեղամաս, որտեղ ադրբեջանցի «բնապահպանները» արգելափակել են ճանապարհը։

«Այդ մասին վկայում են լուսանկարները, որոնք հրապարակվել են թուրք դիվանագետի թվիթերյան էջում»,- հավաստիացնում են ադրբեջանական ԶԼՄ-ները։ Լուսանկարները, ինչպես սպասվում էր, մակագրված են՝ «Ղարաբաղն Ադրբեջան է»։

Մինչդեռ դեսպանի թվիթերյան էջում Լաչինից լուսանկարներ չկան։ Կամ դեսպանն է օպերատիվորեն հանել դրանք, կամ ԶԼՄ-ներն են դեսպանին վերագրել այդ այցը։

News.am