Պուտինը բավարարել է գործարար Ռուբեն Վարդանյանի՝ ՌԴ քաղաքացիությունից դուրս գալու դիմումը

ՌԴ նախագահ Վլադիմիր Պուտինը բավարարել է գործարար Ռուբեն Վարդանյանի՝ ՌԴ քաղաքացիությունից դուրս գալու դիմումը։ Փաստաթուղթը հրապարակվել է հինգշաբթի իրավական տեղեկատվության պաշտոնական պորտալում:

«Բավարարել հետևյալ անձի՝ Ռուսաստանի Դաշնության քաղաքացիությունից դուրս գալու մասին դիմումը՝ Ռուբեն Կառլենի Վարդանյան (ծնվ․ 1968 թվականի մայիսի 25-ին Հայաստանում)»,-ասվում է ՌԴ նախագահի հրամանագրի տեքստում:

Սույն հրամանագրով բավարարվել է նաև գործարար Կոնստանտին Սիդորովի՝ ՌԴ քաղաքացիությունից դուրս գալու դիմումը։

Սեպտեմբերին Ռուբեն Վարդանյանը հայտնել է Ռուսաստանի քաղաքացիությունից հրաժարվելու և Արցախ տեղափոխվելու մտադրության մասին։

News.am